Ágúst Arnórsson

Samninganefndir Félags vélstjóra og málmtæknimanna (VM) og Rafiðnaðarsambands Íslands (RSÍ) hafa náð samkomulagi við Orkuveitu Reykjavíkur um áframhaldandi kjarasamninga. Það samkomulag var formfest um nónbil þann 20. mars; í húsakynnum embættis ríkissáttasemjara.

Niðurstöður kosningar um kjarasamning milli Félags flugmálastarfsmanna (FFR) og Samtaka atvinnulífsins (SA) vegna Isavia ohf. liggja fyrir.

Á kjörskrá voru 400 félagsmenn. Af þeim greiddu 325 (81,3%) atkvæði. Atkvæði með samningnum voru 255 (78,5%) en 57 (17,6%) á móti. 13 (4,0%) tóku ekki afstöðu.

Eftirfarandi niðurstöður liggja fyrir um atkvæðagreiðslur um kjarasamninga Samtaka fyrirtækja í sjávarútvegi (SFS) og Samtaka atvinnulífsins (SA) annars vegar og

• Félags skipstjórnarmanna, Skipstjóra- og stýrimannafélagsins Verðandi í Vestmannaeyjum og Skipstjóra- og stýrimannafélagsins Vísis á Suðurnesjum
  • Á kjörskrá voru 413. Þar af greiddu 343 (83,1%) atkvæði
    • Atkvæði með samningnum voru 190 (55,4%)
    • Atkvæði á móti voru 146 (42,6%)
    • 7 (2%) tóku ekki afstöðu

• Sjómanna- og vélstjórafélags Grindavíkur
  • Á kjörskrá voru 613. Þar af greiddu 318 (51,9%) atkvæði
    • Atkvæði með samningnum voru 109 (34,3%)
    • Atkvæði á móti voru 189 (59,4%)
    • 20 (6,3%) tóku ekki afstöðu

• Sjómannafélag Íslands
  • Á kjörskrá voru 424. Þar af greiddu 161 (38,0%) atkvæði
    • Atkvæði með samningnum voru 13 (8,1%)
    • Atkvæði á móti voru 145 (90,1%)
    • 3 (1,9%) tóku ekki afstöðu

• Sjómannasambands Íslands, fyrir hönd:
  • Verkalýðsfélags Akraness, Verkalýðsfélags Snæfellinga, Verkalýðs og sjómannafélags Bolungarvíkur, Verkalýðsfélags Vestfirðinga (VerkVest), Stéttarfélagsins Samstöðu, Öldunnar – stéttarfélags – Sauðárkróki, Sjómannafélags Ólafsfjarðar, Sjómannafélags Eyjafjarðar, Framsýnar – stéttarfélags, Verkalýðsfélags Þórshafnar, ASA vegna AFL – starfsgreinafélags, Sjómannafélagsins Jötuns – Vestmannaeyjum, Verkalýðsfélagsins Bárunnar, Eflingu- stéttarfélags, Verkalýðs- og sjómannafélags Keflavíkur og nágrennis auk Verkalýðs- og sjómannafélags Sandgerðis
  • Á kjörskrá voru 1.200. Þar af greiddu 571 (47,6%) atkvæði
    • Atkvæði með samningnum voru 180 (31,5%)
    • Atkvæði á móti voru 385 (67,4%)
    • 6 (1,1%) tóku ekki afstöðu

• VM – Félags vélstjóra og málmtæknimanna
  • Á kjörskrá voru 374. Þar af greiddu 283 (75,7%) atkvæði
    • Atkvæði með samningnum voru 108 (38,2%)
    • Atkvæði á móti voru 169 (59,7%)
    • 6 (2,1%) tóku ekki afstöðu

Miðlunartillaga setts ríkissáttasemjara, sem lögð var fram 1. mars, í deilu Eflingar – stéttarfélags og Samtaka atvinnulífsins var samþykkt af félagsmönnum og aðildarfyrirtækjum hlutaðila.

Atkvæðagreiðslan hófst á hádegi 3. mars og lauk þann 8. mars klukkan 10:00.

Á kjörskrá Eflingar – stéttarfélags voru 21.669 manns og var kjörsókn 22,77%. Af þeim samþykktu 84,92% tillöguna en 15,08% höfnuðu. Heildarvægi atkvæða hjá aðildarfélögum Samtaka atvinnulífsins voru 529.411 og var kjörsókn 81,37%. Af þeim samþykktu 98,59% tillöguna en 1,41% höfnuðu.

Samningur tókust milli samninganefnda Félags flugmálastarfsmanna (FFR) og Samtaka atvinnulífsins vegna Isavia ohf.

Gildistími samningsins er frá 1. nóvember 2022 til 31. janúar 2024.

Samtök atvinnulífsins (SA) hafa frestað upphafi boðaðs verkbanns til kl. 16:00 fimmtudaginn 9. mars 2023. Í tilkynningu frá SA segir að frestunin sé til komin vegna atkvæðagreiðslu um miðlunartillögu setts ríkissáttasemjara í deilu Eflingar – stéttarfélags og Samtaka atvinnulífsins.

Samtök atvinnulífsins hafa tilkynnt Eflingu – stéttarfélagi og ríkissáttasemjara um þá ákvörðun að fresta upphafi boðaðs, ótímabundins, verkbanns um rúma fjóra sólarhringa; þ.e. til kl. 16:00 mánudaginn 6. mars 2023.

Í tilkynningunni kemur fram að verkbanninu sé frestað að beiðni setts ríkissáttasemjara. Boðað hefur verið til fundar í deilu Eflingar og SA í kvöld, 27. febrúar.

Félag flugmálastarfsmanna ríkisins (FFR) boðaði yfirvinnubann þann 24. febrúar 2023.

Yfirvinnubannið er ótímabundið og hefst kl. 16:00 föstudaginn 3. mars. Bannið nær til allra félagsmanna félagsins (FFR).

Kosningaþátttaka var 80,9%. Stuðningur við yfirvinnubannið var 77,5% gegn 10,8%. 11,7% tóku ekki afstöðu.

Verkbannið tekur til aðildarfyrirtækja Samtaka atvinnulífsins og nær til félagsmanna Eflingar – stéttarfélags, sem starfa á félagssvæði stéttarfélagsins og sinna störfum sem falla undir:

• Almennan kjarasamning SA og Eflingar
• Kjarasamning SA og Eflingar vegna veitinga-, gisti-, þjónustu- og greiðasölustaða, afþreyingarfyrirtækja og hliðstæðrar starfsemi

Verkbannið er ótímabundið og hefst kl. 12:00 fimmtudaginn 2. mars 2023.
Atkvæði voru greidd á grundvelli gildandi atkvæðaskrár SA. Þátttaka var 87,9% af heildaratkvæðafjölda. Atkvæði með boðuninni voru 94,7% gegn 3,3%. 2,0% tóku ekki afstöðu.