Ríkissáttasemjari

Aðal­steinn Leifs­son

Aðal­steinn Leifs­son er ríkissáttasemjari, skipaður til fimm ára frá og með  1. apríl 2020.

Aðalsteinn lauk MBA námi frá Edinburgh Business School – Heriot-Watt University í október 2004. Auk þess hefur hann lokið MSc námi frá London School of Economics (LSE). Þá stundaði hann doktorsnám í samningatækni hjá Grenoble École de Management samhliða vinnu á árunum 2016-2018.

Frá því í janúar 2014 og þar til hann hóf störf hjá embættinu starfaði Aðalsteinn sem framkvæmdastjóri hjá EFTA, European Free Trade Association. Samhliða störfum sínum þar var hann lektor við Háskólann í Reykjavík og kenndi þar meðal annars samningatækni og lausn deilumála í MBA-námi. Þá starfaði Aðal­steinn sem aðstoðarrík­is­sátta­semj­ari frá því í byrj­un árs 2019 vegna samn­inga á al­menn­um vinnu­markaði og veitti hann embætt­inu liðsinni og var til ráðgjaf­ar auk þess að sitja fundi með samn­ingsaðilum.

Senda póst →

Embættið

Samkvæmt lögum nr. 80/1938 um stéttarfélög og vinnudeilur  er ríkissáttasemjari skipaður til fimm ára í senn. Þess skal gætt að afstaða hans sé slík að telja megi hann óvilhallan í málum launafólks og atvinnurekenda. Skrifstofa ríkissáttasemjara er í Reykjavík og ræður hann til hennar starfsfólk eftir þörfum og í samræmi við heimildir.