Máli Flugvirkjafélags Íslands og SA vegna Air Iceland Connect hefur verið vísað til ríkissáttasemjara. Kjarasamningur aðila hefur verið laus frá 31. ágúst sl. Fundur verður boðaður í málinu innan tíðar.
Forsætisráðherra hefur skipað nefnd um umbætur á úrvinnslu og nýtingu launatölfræðiupplýsinga í samræmi við niðurstöðu fundar stjórnvalda og aðila vinnumarkaðarins um launatölfræði sem fram fór í janúar sl.
Emma Björg Eyjólfsdóttir, sérfræðingur hjá ríkissáttasemjara mun sitja í nefndinni fyrir hönd embættisins.
Nefndinni er ætlað að ljúka störfum fyrir árslok 2018.
Á árinu 2018 mun ríkissáttasemjari standa fyrir námstefnu í samningagerð fyrir íslenskt samninganefndafólk. Námstefnan fer fram á Bifröst og verður haldin tvisvar sinnum á árinu; 2.-4. maí og 1.-3. október og geta þátttakendur valið á milli þessara dagsetninga. Á námstefnunni verður fjallað um þætti á borð við leikreglur á vinnumarkaði, samskipti og ábyrgð, góða samningahætti og teymisvinnu svo eitthvað sé nefnt.
Skráning stendur yfir í gegnum vef ríkissáttasemjara og dagskrá námstefnunnar má nálgast hér að neðan.
Fyrirspurnum svarar Emma Björg Eyjólfsdóttir í síma 511-4411 eða í gegnum netfangið emma@rikissattasemjari.is
[av_textblock size=” font_color=” color=” admin_preview_bg=”]
Máli Flugvirkjafélags Íslands og Fjármálaráðherra fyrir hönd ríkissjóðs vegna Landhelgisgæslu Íslands hefur verið vísað til ríkissáttasemjara. Máið er það þriðja sem vísað er til ríkissáttasemjara á árinu 2018. Fyrsti fundur verður boðaður í málinu á næstu dögum.
[/av_textblock]
[/av_textblock]
Í dag fór fram ráðstefna í Stokkhólmi í tengslum við útgáfu á ársskýrslu ríkissáttasemjara í Svíþjóð fyrir árið 2017. Til ráðstefnunnar mættu um 300 fulltrúar frá aðilum vinnumarkaðarins, ráðuneyti vinnumála, hagstofunni og seðlabankanum.
Starfsmenn ríkissáttasemjara opnuðu ráðstefnuna með því að gera grein fyrir árinu 2017 á sænskum vinnumarkaði, meðal annars gerðum kjarasamningum, deilum á vinnumarkaði, stöðu og horfum í efnahagslífinu og launaþróun á árinu. Þá var sjónum beint sérstaklega að kynbundnum launamuni og þróun hans á síðustu árum.
Allan Larsson, fyrrverandi fjármálaráðherra Svíþjóðar og ráðgjafi Framkvæmdastjórnar Evrópusambandsins um félagsleg réttindi flutti erindi þar sem hann ræddi sænska vinnumarkaðslíkanið í evrópsku samhengi.
Ráðstefnunni lauk með pallborðsumræðum þar sem fulltrúar stéttarfélaga og launagreiðenda ræddu samspil aðila vinnumarkaðarins og stjórnvalda, ekki síst á opinberum vinnumarkaði. Þá fengu fulltrúar stjórnvalda tækifæri til að bregðast við umræðum aðila vinnumarkaðarins.
Upptökur frá ráðstefnunni má nálgast hér
Samninganefndir Flugvirkjafélags Íslands og Samtaka atvinnulífsins vegna Air Atlanta Icelandic undirrituðu kjarasamning í húsakynnum ríkissáttasemjara í dag.
Samninganefndir Félags íslenskra atvinnuflugmanna og Samtaka atvinnulífsins vegna Icelandair undirrituðu kjarasamning þann 10. febrúar. Málinu var vísað til ríkissáttasemjara þann 26. september síðastliðinn.
Máli Ljósmæðrafélags Íslands og Fjármála- og efnahagsráðherra fyrir hönd ríkissjóðs hefur verið vísað til ríkissáttasemjara. Málið er annað málið sem vísað er til embættisins á árinu. Ríkissáttasemjari hefur nú átta sáttamál til meðferðar.