Elísabet Ólafsdóttir

Samkvæmt lögum 80/1938 um stéttarfélög og vinnudeilur ber stéttarfélögum og launagreiðendum að skila viðræðuáætlun til ríkissáttasemjara að lágmarki 10 vikum áður en kjarsamningur aðila rennur út. Hafi viðræðuáætlun ekki borist 8 vikum áður en samningurinn rennur út skal ríkissáttasemjari útbúa viðræðuáætlun fyrir aðila.

Ríkissáttasemjari hvetur aðila til að senda viðræðuáætlanir innan tilskilins frests.

Nánari upplýsingar um skil viðræðuáætlana má nálgast hér.

Skrifstofa ríkissáttasemjara lokar vegna sumarleyfa frá mánudegi 3. júlí til þriðjudagsins 8. ágúst. Ef erindið er brýnt má hafa samband við ríkissáttasemjara á þessu tímabili með tölvupósti – bryndis@rikissattasemjari.is, eða í síma 699-3414. Gleðilegt sumar!

Tvö sáttamál eru nú á borði ríkissáttasemjara. Fyrra málið er mál Félags skipstjórnarmanna og VM – Félags vélstjóra og málmtæknimanna annars vegar og SA vegna Hvalaskoðunar Reykjavíkur og Special Tours ehf, hins vegar. Málinu var vísað til ríkissáttasemjara þann 4. maí 2016. Næsti fundur hefur verið boðaður þann 20. júní næstkomandi. Þá hefur Alþýðusamband Íslands vegna Flugfreyjufélags Íslands vísað deilu félagsins við Primera Air Nordic SIA til meðferðar hjá embættinu og hefur fyrsti fundur í því máli verið boðaður þann 15. ágúst næstkomandi.

Yfirlit yfir gildistíma og lausa kjarasamninga á landinu og dagbók með upplýsingum um boðaða fundi hjá ríkissáttasemjara eru meðal gagnlegra nýjunga á endurgerðum vef embættisins, auk greinargóðra upplýsinga um hlutverk ríkissáttasemjaraembættisins, vinnudeilur og samsetningu vinnumarkaðarins og kjarasamninga.

Á forsíðu vefs ríkissáttasemjara má nú sjá tímalínu lausra kjarasamninga til ársloka 2019 en fjölmargir samningar renna út fram að þeim tíma. Má t.d. nefna að í ágúst á þessu ári renna 29 samningar út, 77 í desember 2018 og í mars 2019 losna 128 samningar, samkvæmt þessu yfirliti sem unnið er samkvæmt bestu yfirsýn embættis ríkissáttasemjara. Alls losna 50 kjarasamningar á þessu ári, á næsta ári losna 80 samningar og 138 kjarasamningar renna út árið 2019.

Önnur áhugaverð nýjung á forsíðu vefsins er dagatal embættisins þar verður hægt að sjá hvaða samningafundir eru bókaðir hjá embættinu á hverum tíma. Þessi nýjung ætti að gagngast mörgum, ekki síst blaða- og fréttamönnum, þegar fundum vegna kjaradeilna fjölgar hjá ríkissáttasemjara.

Á vefnum eru einnig greinargóðar upplýsingar um embætti ríkissáttsemjara, vinnudeilur og kjarasamninga. Má þar m.a. nefna yfirlit yfir samsetningu íslenska vinnumarkaðarins og greiningu á vinnustöðunum hérlendis á sl. árum. Hún sýnir að á árunum 2008-2016 voru boðaðar vinnustöðvanir í 101 þeirra sáttamála sem voru til meðferðar á tímabilinu og kom vinnustöðvun til framkvæmda í 48 málum.

Ársskýrsla ríkissáttasemjara fyrir árið 2016 er komin út og verður að þessu sinni eingöngu birt á nýrri heimasíðu embættisins,  en ekki gefin út á prenti.

Þrátt fyrir að gerðir hafi verið færri kjarasamningar á árinu 2016 en  árin á undan,  voru verkefnin ærin  og er ársskýrslan með veglegasta móti. Þar má finna upplýsingar um  kjarasamninga sem gerðir voru hjá ríkissáttasemjara á árinu, vinnustöðvanir og fundafjölda hjá embættinu ásamt upplýsingum um rekstur og fjármál embættisins.

Þá er greint frá ráðstefnu norrænna ríkissáttasemjara sem var haldin á Íslandi á síðasta ári. Ráðstefnan er haldin annað hvert ár  og skiptast embættin á að bjóða til fundarins.

Á árinu hóf ríkissáttasemjari vinnu við umbótaverkefni hjá embættinu og er greint frá þeirri vinnu í skýrslunni og þeim verkefnum sem af henni leiða.

Þá er í ársskýrslunni yfirlit yfir dóma og úrskurði Félagsdóms frá árinu 2000 – 2016 og frekari greining á þeim.

Ársskýrsluna má nálgast hér

Landssamband slökkviliðs- og sjúkraflutningamanna skrifaði í dag undir kjarasamning við SA v/Isavia. 

Samningurinn gildir til 31. mars 2019.

Félag íslenskra flugumferðarstjóra og  SNR v/Samgöngustofu gengu frá kjarasamningi í dag hjá ríkissáttasemjara.

Samningurinn gildir til 31. desember 2018.