![](https://rikissattasemjari.is/wp-content/uploads/2020/01/DSC_4133-1030x687.jpg)
Efling – stéttarfélag hefur boðað vinnustöðvun allra félagsmanna sem starfa hjá Reykjavíkurborg. Á kjörskrá voru 1894 félagsmenn Eflingar. 1121 greiddi atkvæði og var vinnustöðvun samþykkt með 96% greiddra atkvæða.
Vinnustöðvunin framkvæmist með þeim hætti að félagsmenn leggja niður störf sem hér segir:
Þriðjudagur 4. febrúar 2020: Vinna lögð niður frá klukkan 12:30 til 23:59
Fimmtudagur 6. febrúar 2020: Vinna lögð niður frá klukkan 00:01 til 23:59
Þriðjudagur 11. febrúar 2020: Vinna lögð niður frá klukkan 12:30 til 23:59
Miðvikudagur 12. febrúar 2020: Vinna lögð niður frá klukkan 00:01 til 23:59
Fimmtudagur 13. febrúar 2020: Vinna lögð niður frá klukkan 00:01 til 23:59
Mánudagur 17. febrúar 2020: Vinna lögð niður ótímabundið frá klukkan 00:01
![](https://rikissattasemjari.is/wp-content/uploads/2020/01/DSC3631-1030x687.jpg)
Samninganefndir Félags íslenskra flugumferðarstjóra og SA vegna Isavia undirrituðu kjarasamning í húsakynnum ríkissáttasemjara í dag. Máli FÍF og SA v. Isavia var vísað til ríkissáttasemjara þann 13. apríl 2019. Samningurinn gildir til 31. desember 2020. Atkvæðagreiðsla um samninginn mun fara fram á næstu dögum.
![](https://rikissattasemjari.is/wp-content/uploads/2020/01/DSC_51521-1030x687.jpg)
Á fjórða tímanum í dag var undirritaður kjarasamningur á milli 17 aðildarfélaga Starfsgreinasambands Íslands og Sambands íslenskra sveitarfélaga. Samningurinn gildir frá 1. janúar 2020 til 30. september 2023. Um 4.000 félagar í aðildarfélögum Starfsgreinasambandsins munu greiða atkvæði um samninginn og lýkur atkvæðagreiðslunni þann 10. febrúar.
![](https://rikissattasemjari.is/wp-content/uploads/2020/01/DSC_3968-1030x687.jpg)
Af þeim 42 málum sem vísað var til ríkissáttasemjara á árinu 2019 eru 34 enn í vinnslu á árinu 2020. Aðallega er um að ræða mál aðildarfélaga BSRB við ríki og sveitarfélög en einnig nokkur mál flugstétta og viðsemjenda á almennum vinnumarkaði, mál Blaðamannfélags Íslands og Samtaka atvinnulífsins og mál Hlífar, VR, Rafiðnaðarsambandsins, VM – félags vélstjóra og málmtæknimanna og FIT og Samtaka atvinnulífsins vegna Ísal.