Kjarasamningur undirritaður

Samninganefndir Félags íslenskra atvinnuflugmanna og SA v. Air Atlanta Icelandic undirrituðu kjarasamning í gær. Málinu var vísað til ríkissáttasemjara þann 15. júní 2018.

Kjarasamningur undirritaður

FÍA, félag íslenskra atvinnuflugmanna, og SA f.h. Air Iceland Connect undirrituðu nýjan kjarasamning í gærkvöldi. Haldnir voru þrír sáttafundir í málinu, sem var vísað til ríkissáttasemjara 18. maí.

Undirritun kjarasamnings

Samninganefndir VM – Félags vélstjóra og málmtæknimanna og Félags skipstjórnarmanna annars vegar og Samtaka atvinnulífsins vegna skipstjórnarmanna og vélstjóra á skipum og bátum fyrirtækja í ferðaþjónustu hins vegar undirrituðu kjarasamning síðdegis í dag.

Málinu var vísað til ríkissáttasemjara þann 4. maí 2016. Fundurinn í dag var sá 27. í málinu.

Nýtt sáttamál til meðferðar

Áttunda sáttamáli ársins 2018 hefur verið vísað til ríkissáttasemjara, en það er mál Félags íslenskra atvinnuflugmanna og SA vegna Air Atlanta Icelandic. Fyrsti fundur verður boðaður í málinu innan tíðar.

Nils Dalseide er látinn

Nils Dalseide ríkissáttasemjari í Noregi er látinn, 65 ára að aldri eftir stutta sjúkdómslegu.

Hann hóf störf hjá sáttasemjaraembættinu árið 2004 og var skipaður ríkissáttasemjari 1. september 2013. Áður hafði hann starfað sem dómari um langt skeið.

Nils naut mikillar virðingar hjá aðilum vinnumarkaðarins og stjórnvöldum í Noregi og hafði mikil áhrif á þróun mála á vinnumarkaði þar í landi. Hann var mikils virtur sem fagmaður í sáttamiðlun og átti einnig stóran þátt í að þróa það fag í störfum sínum sem dómari, áður en hann tók við starfi ríkissáttasemjara.

Nils er sárt saknað úr hópi ríkissáttasemjara á Norðurlöndum og skarð hans verður vandfyllt.

Nýtt sáttamál

Ríkissáttasemjari hefur fengið nýtt sáttamál til meðferðar en það er mál Félags íslenskra atvinnuflugmanna og Norðurflugs ehf. Málið er hið sjöunda sem vísað er til meðferðar hjá ríkissáttasemjara á árinu. Fyrsti fundur verður boðaður fljótlega.