Embætti ríkissáttasemjara hafa borist tvær tikynningar um vinnustöðvanir frá Eflingu – stéttarfélagi.
Vinnustöðvanirnar eru ótímabundnar og hefjast klukkan 12:00 mánudaginn 9. mars.
Annars vegar er um að ræða boðun vinnustöðvunar gagnvart Sambandi íslenskra sveitarfélaga:
Vinnustöðvunin tekur til allra félagsmanna Eflingar sem vinna hjá Kópavogsbæ, Seltjarnarnesbæ, Mosfellsbæ, Hveragerðisbæ og Sveitarfélaginu Ölfus skv. kjarasamningi Eflingar og Sambands íslenskra sveitarfélaga.
Á kjörskrá voru 274. Greidd atkvæði voru 131 og af þeim samþykktu 114 verkfallsboðun, eða 87%.
Hins vegar er um að ræða boðun samúðarvinnustöðvunar vegna félagsmanna Eflingar sem starfa hjá skólum sem eiga aðild að Samtökum sjálfstæðra skóla:
Samúðarvinnustöðvunin tekur til allra félagsmanna Eflingar sem vinna hjá skólum sem eiga aðild að Samtökum sjálfstæðra skóla.
Á kjörskrá var 291. Greidd atkvæði voru 152 og af þeim samþykktu 137 verkfallsboðun, eða 90%.
Skólarnir sem samúðarverkfallið beinast einkum að eru:
- Vinagarður, Reykjavík (rekstraraðili: KFUM og KFUK á Íslandi)
- Leikskólinn Sjáland, Garðabæ (rekstraraðili: Sjáland ehf.)
- Leikskólinn Sælukot, Reykjavík (rekstraraðili: Sælutröð)
- Leikskólinn Vinaminni, Reykjavík (rekstraraðili: Leikskólinn Vinaminni ehf)
- Leikskólinn Lundur, Reykjavík (rekstraraðili: Lundur ehf)
- Skerjagarður, Reykjavík (rekstraraðili: Skerjagarður ehf)
- Fossakot, Reykjavík (rekstraraðili: LFA ehf)
- Korpukot, Reykjavík (rekstraraðili: LFA ehf)
- Laufásborg, Reykjavík (rekstraraðili: Hjallastefnan ehf)
- Askja, Reykjavík (rekstraraðili: Hjallastefnan ehf)
- Barnaskóli Hjallastefnunnar Reykjavík, Reykjavík (rekstraraðili: Hjallastefnan ehf)
- Skóli Ísaks Jónssonar, Reykjavík (rekstraraðili: Skóli Ísaks Jónssonar ses.)
- Regnboginn, Reykjavík (rekstraraðili: Dignitas ehf)
- Mánagarður, Reykjavík (rekstraraðili: Félagsstofnun stúdenta)
- Sólgarður, Reykjavík (rekstraraðili: Félagsstofnun stúdenta)
- Leikgarður, Reykjavík (rekstraraðili: Félagsstofnun stúdenta)
- Ársól, Reykjavík (rekstraraðili: Skólar ehf)
- Suðurhlíðarskóli, Reykjavík (rekstraraðili: Kirkja aðventista)
- Barnaheimilið Ós, Reykjavík (rekstraraðili: Barnaheimilið Ós)
- Tjarnarskóli, Reykjavík (rekstraraðili: Tjarnarskóli ehf)
- Waldorfskólinn Lækjarbotnum, Kópavogi (rekstraraðili: Waldorfskólinn í Lækjarbotnum)
- Waldorfskólinn Sólstafir, Reykjavík (rekstraraðili: Waldorfleikskólinn Sólstafir)