„Why can’t I just eat my waffle?“, sagði Barack Obama þegar fréttamenn gengu að honum og vildu svör við spurningum dagsins. Vafflan hefur verið notuð í ýmsum tilgangi í gegnum tíðina … í húsi embættis ríkissáttasemjar er gripið til hennar þegar samningar eru í höfn. Deigið er hrært, járnið hitað og svo bakað þar til ilminn leggur um húsið. Það er gott að slaka á eftir langa lotu með því að gæða sér á vöfflu … þakinni rjóma og sultu.