Vinnumarkaðurinn
almennur og opinber hluti
Í umræðum um vinnumarkaðinn er gjarnan rætt um „aðila vinnumarkaðarins“ og er þá átt við heildarsamtök launagreiðenda annars vegar og launafólks hins vegar. Vinnumarkaðnum er jafnan skipt í almennan og opinberan hluta – á þeim almenna starfa fyrirtæki í eigu einkaaðila og hlutafélög, en á þeim opinbera stofnanir og fyrirtæki í eigu hins opinbera.
Yfir 2000 fyrirtæki eiga aðild að Samtökum atvinnulífsins og aðildarsamtökum þess. Hjá þeim starfa um 70% launafólks á almennum vinnumarkaði.
Kjara-og mannauðssýsla ríkisins (KMR) er sérstök ráðuneytisstofnun, sbr. 17. gr. stjórnarráðslaga. Hún er hluti af fjármála- og efnahagsráðuneytinu og sinnir verkefnum á sviði mannauðsmála ríkisins. Kjara- og mannauðssýsla ríkisins (KMR) leiðir samninganefnd ríkisins við gerð kjarasamninga. Netfang: kmr@fjr.is
Sveitarfélögin í heild eru stærsti vinnuveitandinn á landinu. Samninganefnd Sambands íslenskra sveitarfélaga (SNS) leiðir kjarasamningagerð fyrir sveitarfélögin.
Reykjavíkurborg semur sjálfstætt við samtök launafólks.
Vinnueftirlitinu er ætlað að stuðla að öruggu og heilsusamlegu vinnuumhverfi í samræmi við félagslega framþróun og bestu þekkingu á hverjum tíma.
Vinnumálastofnun fer m.a. með yfirstjórn vinnumiðlunar í landinu, auk fjölmargra annarra vinnumarkaðstengdra verkefna.
Félagsdómur er sérdómstóll sem starfar á grundvelli laga nr. 80/1938 um stéttarfélög og vinnudeilur. Hlutverk dómsins er að dæma í réttarágreiningi aðila vinnumarkaðarins.
