Undirritun kjarasamninga á milli félaga Starfsgreinasambandsins, LÍV, VR og Samtaka atvinnulífsins í húsakynnum ríkissáttasemjara fór fram klukkan 22:00.

Kjarasamningarnir ná til allt að 80.000 manns sem eru um 40% af íslenskum vinnumarkaði.

Fundað hefur verið undir stjórn ríkissáttasemjara nánast daglega frá febrúarlokum og hafa fundir staðið í á fimmta hundruð klukkustunda. Þá er ótalin vinna sem hefur farið fram annars staðar en á sáttafundum.

Gildistími samningsins er frá 1. apríl 2019 til 1. nóvember 2022.